Birinci Qarabağ müharibəsində könüllü iştirak edən Balakəndən olan qazi Novruz Abdullayev vəfat edib.
Globalinfo.az bildirir ki, bu barədə “Facebook” sosial şəbəkəsində məlumat yayılıb.
Məlumata görə, Ağdam istiqamətində gedən döyüşlərdə fəal iştirak edən Novruz Abdullayev həmçinin yaralanmış bir neçə döyüş yoldaşını qızğın döyüşdən sağ-salamat xilas etməyə müvəffəq olub.
Mərhum qazi kənd sakinlərinin iştirakı ilə Balakənin Hənifə kənd qəbiristanlığında dəfn olunub.
