“Prezident, Ali Baş Komandan İlham Əliyev ölkəmizin müdafiə qabiliyyətinin daha da yüksəldilməsini əsas prioritetlər sırasına daxil edib”.
Globalinfo.az APA-ya istinadən xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında “Azərbaycan Respublikasının 2023-cü il dövlət büdcəsi haqqında” qanun layihəsinin müzakirəsi zamanı maliyyə naziri Samir Şərifov deyib.
Nazir bildirib ki, Ermənistanın havadarlarının dəstəyi ilə yenidən silahlanması cəhdləri, ölkəmizə qarşı səngiməyən təxribatları Müzəffər Ordumuzun daha da gücləndirilməsini şərtləndirir: “Buna görə də 2023-cü il büdcəsindən müdafiə xərclərinə yönəldilən vəsait cari illə müqayisədə daha da artırılıb”.
