Moskva Ukrayna ilə müharibənin dayandırılması üçün şərtləri əks etdirən sənəd layihəsini Kiyevə təqdim etməyə hazırdır.
Globalinfo.az xəbər verir ki, bunu Rusiyanın xarici işlər naziri Sergey Lavrov deyib.
O bu addımın əsir mübadiləsi başa çatdıqdan sonra atıla biləcəyini qeyd edib.
“Rusiya sənədi təqdim etməyə hazırdır. Amma bu, yalnız əsirlərin dəyişdirilməsi prosesi yekunlaşandan sonra mümkün olacaq”, – deyə o, açıqlamasında bildirib.
Ukrayna Prezidenti Volodimir Zelenski isə Rusiyanın artıq bir həftədir atəşkəslə bağlı “memorandum yazdığını” deyərək bu prosesi qlobal ictimaiyyətə qarşı “ədəbsizlik” adlandırıb.
Aysel Əliyeva
Globalinfo.az
