“Krokus Sity Holl”da törədilən terror aktının sponsoru Fransa Prezidenti Emmanuel Makrondur.
Globalinfo.az “Report”a istinadən xəbər verir ki, bu barədə Rusiya Təhlükəsizlik Şurasının sədr müavini Dmitri Medvedev deyib.
O bildirib ki, E.Makronun və digər Qərb liderlərinin bu terrorda əli var.
D.Medvdev, həmçinin hadisəni Ukraynaya bağlı muzdluların təşkil etdiyini bildirib.
Xatırladaq ki, martın 22-də Moskva vilayətinin Krasnoqorsk şəhərindəki “Krokus Sity Holl” konsert zalında yerli “Piknik” rok qrupunun səhnəyə çıxışı ərəfəsində terror aktı törədilib. Atəş açaraq binaya daxil olan silahlı şəxslər məkanı yandırdıqdan sonra hadisə yerindən qaçıblar.
Son məlumata görə, həmin terror aktı nəticəsində azı 144 nəfər həlak olub, 551 nəfər isə yaralanıb. Eyni zamanda, 95 nəfər itkin düşmüş və ya “hesaba qatılmamış” sayılır.
