Bəzi erməni teleqram kanalları və şərhçiləri İsraildə baş verənləri yaxından izləyir, özləri üçün “dərslər” çıxarırlar. Onlar paralellər aparıb iddia edirlər ki, İsrail ordusu haqqında mif dağıldı və guya ermənilər də HƏMAS kimi təşkilatlanaraq Azərbaycana qarşı yeni müharibədə hansısa üstünlük əldə edə bilərlər.
Mövzu ilə bağlı Globalinfo.az-a danışan politoloq Fuad Çıraqov deyib ki, bəzi erməni ekspertlər Fələstində baş verənlərdən əvvəl Bakı-Tbilisi-Ceyhan neft kəmərində və digər strateji obyektlərdə terror aktlarına çağırışlar edirdilər.
