“İranın mövcudluğu təhlükə altına düşərsə, nüvə doktrinasını dəyişməli olacaq”.
Globalinfo.az xəbər verir ki, bunu Xameneinin müşaviri Kamal Xərrazi “Əl-Cəzirə” telekanalına müsahibəsində deyib.
“Bizim nüvə bombası yaratmaq qərarımız yoxdur. Lakin İranın varlığına təhlükə yaranarsa, hərbi doktrinamızı dəyişməkdən başqa çarə qalmayacaq. Əgər İsrail rejim nüvə obyektlərimizə hücum etsə, o zaman mövqeyimiz dəyişəcək”.
Xərrazi Qəzzada baş verənlərlə bağlı sualları da cavablandırıb. O bildirib ki, Həmas-la razılaşma olub-olmamasına rəğmən İsrail yenə də təcavüzünü davam etdirəcək.
“HƏMAS atəşkəs sazişi bağlamaq istəyirdi. Lakin İsrail HƏMAS-ın xoş niyyətinə cavab olaraq güc tətbiq etmək qərarına gəlib”, – deyə Xərrazi vurğulayıb.
Müşviq Tofiqoğlu
Globalinfo.az
