“Serj Sərkisyanın Macarıstanla diplomatik münasibətləri kəsmək qərarı uzaqgörən addım deyildi və dövlət düşüncəsindən çox uzaq idi”.
Globalinfo.az xəbər verir ki, bu sözləri erməni deputat Qurqen Arsenyan deyib.
O bildirib ki, Ramil Səfərovun Bakıya təhvil verilməsinə görə rəsmi Budapeştlə əlaqələri kəsmək yanlış addım olub:
“Əgər siz mənfi münasibət göstərmək istəyirsinizsə, bunu ölkə liderinə qarşı etməlisiniz. Diplomatik münasibətlərin kəsilməsi o deməkdir ki, xalqlar arasındakı əlaqələri dayandırırsınız”.
Qeyd edək ki, Ermənistan 2012-ci ilin avqustunda Budapeştlə diplomatik münasibətləri kəsib. Buna səbəb Ramil Səfərovun Azərbaycana ekstradisiyası qərarı olmuşdu.
Bir qədər əvvəl Ermənistanın Macarıstanla əlaqələri bərpa etməyə çalışması barədə xəbərlər yayılmışdı.
Tamerlan Yayaqan
Globalinfo.az
