Avropa İttifaqı (Aİ) Cənubi Qafqazda davamlı sülhə töhfə verməyə tam sadiqdir.
Globalinfo.az bildirir ki, APA-nın xəbərinə görə, bunu Aİ-nin Xarici siyasət və Təhlükəsizlik məsələləri üzrə Ali Nümayəndəsi Cozep Borrell deyib.
O bildirib ki, Aİ-nin Ermənistan-Azərbaycan sərhədinə 40-a qədər monitorinq ekspertinin yerləşdirilməsi regionda qeyri-stabil vəziyyətə qarşı inam yaratmaq məqsədi daşıyır.
“Bu, Aİ-nin Cənubi Qafqazda davamlı sülhə nail olmaq kimi əsas məqsədə töhfə verməyə tam sadiqliyinin daha bir sübutudur”, – Aİ-nin Ali Nümayəndəsi vurğulayıb.
