Hazırkı ABŞ lideri Co Bayden və ölkənin yeni seçilən prezidenti Donald Tramp noyabrın 13-də Ağ Evdə görüşəcək.
Globalinfo.az xəbər verir ki, bu barədə Ağ evin mətbuat katibi Karin Jan-Pyer deyib.
Bəyanatda qeyd olunur ki, görüş Ağ evin Oval kabinetində saat 11:00-da (Bakı vaxtı ilə 20:00) keçiriləcək. Məlumatda bildirilir ki, görüşlə bağlı əlavə təfərrüatlar sonradan təqdim ediləcək.
Trampın köməkçiləri daha əvvəl onun Baydenlə görüşünün yaxın vaxtlarda baş tutacağını bildirmişdilər.
