Xəbər verildiyi kimi, Bakı şəhərinin Yasamal rayonu, İzmir küçəsində yerləşən kafedə baş vermiş yanğın Fövqəladə Hallar Nazirliyinin qüvvələri tərəfindən qısa müddətdə söndürülüb.
FHN-dən Globalinfo.az-a bildirilib ki, yanğın nəticəsində beşmərtəbəli yaşayış binasının birinci mərtəbəsində yerləşən, sahəsi 150kv.m olan restoranın ümumi sahəsi 96kv.m olan əlavə tikilmiş artırma hissəsinin yanar konstruksiyaları və bitişik, fəaliyyət göstərməyən restoranın ümum sahəsi 70kv.m olan əlavə tikilmiş artırmasının 35kv.m sahədə penoplasdan ibarət dam örtüyü yanıb. Yüksək temperaturdan binanın birinci mərtəbəsində vətəndaşa məxsus ümumi sahəsi 60kv.m olan üçotaqlı mənzilin 2 ədəd pəncərə çərçivəsi deformasiya edib.
Yanğınsöndürənlərin həyata keçirdikləri təcili və təxirəsalınmaz tədbirlər sayəsində restoranların qalan hissəsi, bitişik obyekt və mənzillər yanğından mühafizə olunub.
Yanğın zamanı xəsarət alan olmayıb.
***
Baklda yanğın zamanı təxliyə həyata keçirilməyib.
Globalinfo.az xəbər verir ki, bu barədə APA-ya DYMX Yanğınsöndürmə qərargahının əməliyyat müvəkkili, daxili xidmət polkovnik-leytenantı Ruslan Pirəlizadə bildirib:
“Saat 19.12-də Fövqəladə Hallar Nazirliyinin “112” qaynar telefon xəttinə və yanğınsöndürmə qüvvələrinin idarəetmə mərkəzinə Bakı şəhərinin Yasamal rayonu, İzmir küçəsi 5 ünvanında müxtəlif təyinatlı obyektlərdə yanğın baş verməsi barədə məlumat daxil olub. Dərhal hadisə yerinə yanğından mühafizə xidmətinin bölmələri və xüsusi riskli xilasetmə xidmətinin texnikası və şəxsi heyəti cəlb olunub. 4 dəqiqə ərzində yanğınsöndürmə bölmələri hadisə yerinə çatmış və yanğın kəşfiyyatı zamanı məlum olmuşdur ki, yaşayış binasına bitiçik yüngül konstruksiyalı kafe kimi fəaliyyət göstərən 2 obyekt yanıb. Yanğın nəticəsində kafenin biri və artırma hissəsi 90 m2 tam yanıb, ona bitişik kafenin dam örtüyünün 30 m2 yanıb. Yanğın zamanı xəsarət alan olmayıb, təxliyə baş verməyib” – Pirəlizadə qeyd edib.
***
Fövqəladə Hallar Nazirliyinin “112” qaynar telefon xəttinə Bakı şəhərinin Yasamal rayonu, İzmir küçəsində kafedə yanğın baş verməsi barədə məlumat daxil olub.
Globalinfo.az xəbər verir ki, məlumatla əlaqədar FHN-in Dövlət Yanğından Mühafizə Xidməti və Xüsusi Riskli Xilasetmə Xidmətinin qüvvələri dərhal hadisə yerinə cəlb olunub.
Yanğınsöndürənlərin çevik müdaxiləsi sayəsində kafedə baş vermiş yanğın genişlənməsinə imkan verilmədən qısa müddətdə söndürülüb.
Bakıda restoranda yanğın başlayıb.
DİN-dən Globalinfo.az-a bildirilib ki, Yasamal rayonu, İzmir küçəsində restoranlardan birində baş verən yanğın səbəbindən qeyd olunan küçədə hər iki istiqamətdə avtomobillərin hərəkətinə məhdudiyyət qoyulub.
Sürücülərdən alternativ olaraq Tbilisi prospekti ilə Abbasqulu ağa Bakıxanov küçəsi istiqamətində hərəkət etmələri tövsiyə edilir.
***
İzmir küçəsində restoranda baş verən yanğın məhdudlaşdırılıb.
Bu barədə Globalinfo.az-a-ya Fövqəladə Hallar Nazirliyindən məlumat verilib.
Bildirilib ki, hazırda yanğının tam söndürülməsi istiqamətdə işlər aparılır.
***
Bakıda “Hyyat Regency” hoteli qarşısında restoranda yanğın başlayıb.
Hazırda hadisə yerinə Fövqəladə Hallar Nazirliyinin Dövlət Yanğından Mühafizə Xidmətinin əməkdaşları cəlb edilib.
Fövqəlada Hallar Nazirliyindən Globalinfo.az-a bildirilib ki, Nazirliyin “112”-i qaynar telefon xəttinə Yasamal rayonu, İzmir küçəsində restoranda yanğın baş verməsi ilə bağlı məlumat daxil olub və hazırda Dövlət Yanğından Mühafizə Xidmətinin yanğınsöndürənləri hadisə yerinə cəlb edilib. Hazırda yanğının söndürülməsi istiqamətində əməliyyat keçirilir.
