Ermənistanın Kadastr Komitəsinin sədr müavini Arman Petrosyan jurnalistlərə Ermənistanda daşınmaz əmlaka sahib olan Azərbaycan və Türkiyə vətəndaşları barədə danışıb.
Globalinfo.az Oxu24.com-a istinadən xəbər verir ki, onun sözlərinə görə, Azərbaycan və Türkiyə vətəndaşlarının iştirakı ilə aparılan daşınmaz əmlak əməliyyatlarının faizi azdır. “Türkiyə vətəndaşlarının sayı 100-dən az, Azərbaycan vətəndaşlarında isə ondan azdır. Onlar milliyyətcə azərbaycanlı deyillər”, – Petrosyan bildirib.
Ermənistanda qeydiyyatda olan 450 min mənzil var. Türkiyə vətəndaşlarının, məsələn, 50 mənzili varsa, bu “təhlükəsizlik baxımından heç bir narahatlıq yaratmır”, deyə Petrosyan qeyd edib.
