Avropa İttifaqı (Aİ) dörd Rusiya vətəndaşını sanksiya siyahısından çıxarıb.
Globalinfo.az xəbər verir ki, bu barədə “Agence France-Presse” məlumat yayıb.
“Rusiyanın idman naziri Mixail Deqtyarev, biznesmen Vyaçeslav Kantor, “EuroChem”in keçmiş rəhbəri Vladimir Raşevski və rusiyalı milyarder Əlişir Usmanovun bacısı Gülbahar İsmayılova siyahıda yer alır. Qərar Aİ-nin fərdi sanksiyalarının son uzadılması (15 mart) çərçivəsində qəbul edilib”, – deyə nəşr yazıb.
Bildirilib ki, Macarıstan sanksiyaların ləğvində israr edib:
“Onlar 9 nəfərin sanksiya siyahısından çıxarılmasını tələb edib, lakin yalnız dörd nəfərlə bağlı kompromis əldə edilib”.
Qeyd edək ki, hazırda Aİ-nin Ukraynadakı vəziyyətlə bağlı qara siyahısına 2414 fiziki və hüquqi şəxs daxildir.
Günay Rəsulqızı
Globalinfo.az
