Bakı Metropoliteni QSC-nin mətbuat xidməti və ictimaiyyətlə əlaqələr şöbəsinin rəisi Bəxtiyar Məmmədov Globalinfo.az-a müsahibəsində sərnişinləri daim maraqlandıran bir suala cavab verib.
Globalinfo.az xəbər verir ki, o, metrostansiyaların qatar yolunda tez-tez su görünməsinin səbəbini açıqlayıb.
B.Məmmədov deyib ki, burada iki variant ola bilər:
“Əgər su çox seyrək və ya dağınıq şəkildə görünürsə, bunun səbəbi gecə saatlarında tunellərin və stansiya yollarının yuyulması nəticəsində qalan su ola bilər.
İkinci məqam isə qrunt sularıdır. Bu sular stansiyalarda çox az müşahidə olunur, bəzən qatar tuneldə dayandıqda onların səsini də eşitmək mümkündür. Qrunt suları mərkəzləşdirilmiş şəkildə müəyyən istiqamətə yönləndirilir və oradan şəhərin kanalizasiya xətlərinə vurulur”.
Müsahibəni tam halda buradan oxuya bilərsiniz: “Bakını iflic vəziyyətindən xilas etmək üçün başqa çıxış yolu qalmamışdı” – Metropoliten rəsmisi ilə MÜSAHİBƏ
