Hörmüz boğazından 3-cü türk gəmisi uğurla çıxıb.
Globalinfo.az xəbər verir ki, bu barədə Türkiyənin Nəqliyyat və İnfrastruktur Naziri Abdulkadir Uraloğlu açıqlama verib.
Nazir qeyd edib ki, “Ocean Thunder” adlı gəmi təhlükəsiz şəkildə boğazdan keçərək körfəzdən çıxış edib:
“Nəqliyyat və İnfrastruktur Nazirliyi olaraq Hörmüz Boğazındakı vəziyyəti yaxından izləyir, bölgədəki Türkə məxsus gəmilərimizi və türk dənizçilərimizi anbaan nəzarətdə saxlayırıq. Xarici İşlər Nazirliyimizlə birlikdə apardığımız işlərin nəticəsi olaraq, İraqdan yüklədiyi xam nefti Malayziyaya daşımaq üzrə yola çıxmış “Ocean Thunder” adlı Türkiyəyə məxsus gəmi dünən gecə Hörmüz Boğazını təhlükəsiz şəkildə keçərək Körfəzdən çıxışını tamamladı”.
Safura Bənnayeva
Globalinfo.az
