ABŞ ilə İran arasında gərginliyin artdığı bir dövrdə Vaşinqton Yaxın Şərqdə hərbi mövcudluğunu mərhələli şəkildə gücləndirməkdə davam edir.
Globalinfo.az xəbər verir ki, bu barədə “Axios” portalı məlumat yayıb.
Qeyd olunub ki, bölgəyə əlavə qoşun kontingenti, hərbi aviasiya, hava hücumundan müdafiə sistemləri və dəniz qüvvələri yerləşdirilir.
Bu addımların əsas məqsədi ABŞ və müttəfiqlərinin təhlükəsizliyini təmin etmək, mümkün risklərin qarşısını almaq və regionda strateji balansı qorumaq kimi təqdim olunur. Nəşr qeyd edir ki, hücum ehtimalı realdır və bu, hər an baş verə bilər.
Məlumata görə, Vaşinqtonun bu siyasəti bir tərəfdən İranı çəkindirməyə, digər tərəfdən isə müttəfiq ölkələrə siyasi və hərbi dəstək mesajı verməyə xidmət edir.
Tahir Turan
Globalinfo.az
