İran Avropa ölkələrinin ordularını “terrorçu” elan edib.
Globalinfo.az xəbər verir ki, bu barədə İran parlamentinin sədri Məhəmməd Baqir Qalibaf plenar iclasda bildirib.
“Avropa İttifaqı (Aİ) SEPAH-ı terror təşkilatı kimi tanısa, Avropa ölkələrinin orduları da terrorçu qrup hesab olunacaq. “SEPAH-ın Terror Təşkilatı kimi bəyan edilməsinə qarşı əks tədbirlər haqqında” qanunun 7-ci maddəsinə əsasən, belə bir qərar avtomatik olaraq Avropa ölkələrinin ordularına da şamil ediləcək. Bu addımın bütün siyasi və hüquqi nəticələrinə görə məsuliyyət birbaşa Avropa İttifaqının üzərinə düşəcək”, – deyə Qalibaf qeyd edib.
Plenar iclasda parlament sədri çıxışını millət vəkilləri ilə birlikdə “Amerikaya ölüm olsun!” şüarı ilə sonlandırıb.
Safura Bənnayeva
Globalinfo.az
