Xəbər verdiyimiz kimi, Türkiyədə zəlzələ nəticəsində ölənlərin sayı 31 643 nəfərə çatıb.
Globalinfo.az xəbər verir ki, zəlzələ yaralılarının vəziyyəti açıqlanıb.
Məlumatda bildirilib ki, 15 664 nəfərə xəstəxanadan kənar xidmət göstərilir.
“3 636 nəfərin vəziyyəti ağırdır, reanimasiyaya yerləşdiriliblər. 19 300 nəfər xəstəxanalarda müalicə olunur”, – deyə qeyd edilib.
Qeyd edək ki, yaralılar və vəfat edənlərlə bağlı məlumatlar yenilənir.
Xatırladaq ki, fevralın 6-da ocağı Türkiyənin Kahramanmaraş şəhərinin Pazarcık rayonu olan 7,7 maqnitudalı və 9 saat sonra episentri eyni şəhərin Elbistan rayonu olan 7,6 maqnitudalı iki zəlzələ olub. Güclü yeraltı təkanlardan sonra bölgədə 6,6 maqnitudayadək yüzlərlə afterşoklar qeydə alınıb. Təbii fəlakət Türkiyə və Suriyada böyük dağıntı və minlərlə itkilərə səbəb olub.
İki zəlzələ həmçinin Livan, Kipr, İraq, İsrail, İordaniya, İran və Misirdə hiss edilib.
Türkiyə Prezidenti Rəcəb Tayyib Ərdoğan ölənlərin xatirəsini anmaq üçün ölkədə 7 günlük matəm elan edib. Bundan başqa, ölkənin zəlzələ baş verən 10 şəhərində 3 aylıq fövqəladə vəziyyət elan olunub.
Bu hadisə Türkiyədə 1939-cu ildən bəri qeydə alınan ən güclü zəlzələ kimi tarixə düşüb.
Gülnar Səlimova
