Sabirabadda iki nəfərin ölümü, dörd nəfərin xəsarət alması ilə nəticələnən yol-nəqliyyat hadisəsinin bəzi təfərrüatı məlum olub.
Globalinfo.az bildirir ki, Oxu.Az-ın əldə etdiyi məlumata görə, hadisə iki VAZ-2107 markalı avtomobilin toqquşması nəticəsində baş verib.
Hadisə nəticəsində sürücülərdən biri – Rəhim Əliyev və onun azyaşlı nəvəsi həlak olublar.
Digər avtomobilin sürücüsü və üç sərnişin isə müxtəlif dərəcəli bədən xəsarətləri alıb.
Faktla bağlı Sabirabad Rayon Polis Şöbəsində araşdırma aparılır.
***14:18
Sabirabadda baş verən qəzada 2 nəfər ölüb, 4 nəfər xəsarət alıb.
Globalinfo.az APA-ya istinadən bildirir ki, hadisə Sabirabad rayonunun Güdəcühür kəndində qeydə alınıb.
Qəza zamanı maşında olan 6 yaşlı uşaq da ölüb.
Faktla bağlı araşdırma aparılır.
