İsrail Müdafiə Ordusu Qəzza şəhərinin Sabra bölgəsində keçirdiyi hava əməliyyatı nəticəsində HƏMAS-ın hərbi qanadında qərargah rəisi və təşkilatın qurucularından biri olan Haxam Məhəmməd İssa əl-İssunun öldürüldüyünü bildirib.
Globalinfo.az xəbər verir ki, bu barədə ordu rəsmi bəyanat yayıb.
Bəyanatda əl-İssunun 7 oktyabr 2023-cü ildə HƏMAS tərəfindən həyata keçirilən qanlı hücumun planlaşdırılmasında və icrasında mühüm rol oynadığı qeyd olunub. Bildirilib ki, o, HƏMAS-ın Qəzza zolağında sağ qalan son yüksək rütbəli rəhbərlərindən biri idi.
İsrail ordusu bəyan edib ki, qanlı qətliamda iştirak edən bütün terrorçular tapılıb zərərsizləşdirilənə qədər əməliyyatlar davam etdiriləcək.
Aysel Əliyeva
Globalinfo.az
