“ABŞ-ın raketdən müdafiə bazalarının Polşada açılması, nüvə təhlükəsi səviyyəsini artırır. Bu, Vaşinqtonun provokativ addımıdır”.
Globalinfo.az xəbər verir ki, bunu Rusiya Xarici İşlər Nazirliyinin mətbuat katibi Mariya Zaxarova deyib.
“Bu amerikalıların qeyri-stabillik yaradan fəaliyyətlərini göstərən addımdır. Strateji sabitliyi zədələyir”, – Zaxarova bildirib.
XİN rəsmisi Polşadakı kimi ABŞ bazalarının çoxdan Rusiyanın prioritet hədəfləri siyahısına daxil edildiyini deyib. O həmçinin NATO qoşunlarının Ukraynada peyda olmasının bütün dünya üçün fəlakətli nəticələrinin olacağını qeyd edib:
“NATO qoşunlarının Ukraynaya gəlməsi, alyansın müharibəyə birbaşa daxil olması mənasına gələcək. Biz bu barədə dəfələrlə demişik. Nəticə təkcə Avropa üçün yox, bütün dünya üçün fəlakətli olacaq”.
Əliyar Xəlil
Globalinfo.az
