Litva parlamentinin yenidən seçilməsi ilə əlaqədar İnqrida Simonytenin rəhbərlik etdiyi respublika hökuməti istefa verib.
Globalinfo.az “RİA Novosti”yə istinadən xəbər verir ki, Nazirlər Kabineti Litva Prezidenti Gitanas Nauseda qarşısında istefa verib.
Respublikanın Əsas Qanununa əsasən, Seymin yeni çağırışının başlanmasından sonra hökumət istefaya gedir və parlament üzvləri yeni nazirlər kabinetini formalaşdıracaq baş naziri seçməlidirlər. Parlamentarilərin yeni baş naziri seçmək üçün 15 gün vaxtı var.
Qeyd olunur ki, Nauseda eks-nazirlərə yeni kabinet formalaşana qədər vəzifələrini icra etməyə davam etməyi tapşırıb.
Baltikyanı respublikanın Nazirlər Kabinetinin mətbuat xidmətinın yaydığı məlumata əsasən, Litvanın yeni çağırış Seymi keçmiş baş nazir, “Litva Adı Uğrunda” partiyasının hakim koalisiyasının sədri Saulius Skvernelisi spiker seçib.
