Qarşılaşma qonaqların 2:1 hesablı qələbəsi ilə başa çatdı.
***
59-cu dəqiqədə Juninyo topu qapıya göndərsə də, hakim epizodu ofsayt kimi qiymətləndirdi.
***
Erik Botheym 2-ci qolu “Qarabağ”ın qapısından keçirir – “Qarabağ” 1:2 “Malmö”
***
İkinci hissə başladı.
***
İlk hissə 1:1 hesabı ilə başa çatdı. Fasilə.
***
19-cu dəqiqədə qonaqlar hesabı Erik Botheymin qolu sayəsində bərabərləşdirir – 1:1.
***
“Qarabağ” Juninyonun 15-ci dəqiqədə vurduğu qol sayəsində hesabı açdı – 1:0.
***
UEFA Avropa Liqasının Liqa mərhələsinin II turunun “Qarabağ” – “Malmö” (İsveç) oyunu start götürüb.
Globalinfo.az xəbər verir ki, qarşılaşma Tofiq Bəhramov adına Respublika stadionunda keçirilir.
Matçı yunanıstanlı FIFA referisi Anastasios Papapetru idarə edir.
***
UEFA Avropa Liqasının əsas mərhələsinin ikinci turunda bu gün Bakıda keçiriləcək “Qarabağ” – “Malmö” (İsveç) matçının start heyətləri bəlli olub.
Globalinfo.az xəbər verir ki, komandalar meydana aşağıdakı heyətlərlə çıxacaqlar:
“Qarabağ”: Fabiyan Buntiç, Bəhlul Mustafazadə, Abbas Hüseynov, Julio Romao, Elvin Cəfərquliyev, Kevin Medina, Patrik Andrade, Leandro Andrade, Yassin Benzia, Abdullah Zubir, Olavio Juninyo.
Baş məşqçi: Qurban Qurbanov.
“Malmö”: Dahlin, Rösler, Yansson, Busanello, Pena, Yohansen, Larsson, Kristiansen, Botheim, Kiese Thelin, Berq
Baş məşqçi: Henrik Ridström
Qeyd edək ki, Tofiq Bəhramov adına Respublika Stadionunda keçiriləcək oyun saat 20:45-də start götürəcək.
***09:24
“Qarabağ” UEFA Avropa Liqasının Liqa mərhələsinin II turunda bu gün İsveç təmsilçisi “Malmö” ilə qarşılaşacaq.
Globalinfo.az xəbər verir ki, Tofiq Bəhramov adına Respublika stadionunda baş tutacaq görüşün start fiti saat 20:45-də səslənəcək.
Görüşü Yunanıstandan olan hakimlər briqadası idarə edəcək.
UEFA Avropa Liqası
Liqa mərhələsi
II tur
3 oktyabr
20:45. “Qarabağ” – “Malmö” (İsveç)
Baş hakim: Anastasios Papapetru.
Tofiq Bəhramov adına Respublika stadionu.
Qeyd edək ki, Azərbaycan çempionu UEFA Avropa Liqasının Liqa mərhələsinin I turunda səfərdə “Tottenhem”ə 0:3 hesabı ilə uduzmuşdu. “Köhlən atlar” turnirdə növbəti matçını oktyabrın 24-də Bakıda “Ayaks”a (Niderland) qarşı keçirəcək.
