Ukrayna Prezidenti Volodimir Zelenski ABŞ-ın yeni seçilmiş lideri Donald Trampın andiçmə mərasiminə yalnız dəvət alacağı təqdirdə qatılacaq.
Globalinfo.az xəbər verir ki, bu barədə Zelenski Fridmana müsahibəsində deyib.
O bu gün Vaşinqtonda olmaq istədiyini, lakin ABŞ prezidentinin birbaşa dəvəti olmadan səfərin xoş olmadığını qeyd edib:
“Mən belə insanam. Məsələn, Putini dəvət etməmişik, amma o gəlib”.
Ötən ay Donald Tramp jurnalistlərə deyib ki, o, hələ Volodimir Zelenskini inaqurasiya mərasiminə dəvət etməyib, amma onu orada görmək istəyir.
Sitat: “Gəlmək istəsə, gəlməsini istərdim. Lakin hələ onu dəvət etməmişəm”.
Xatırladaq ki, Donald Tramp yanvarın 20-də rəsmi olaraq Amerika Birləşmiş Ştatlarının prezidenti vəzifəsinə başlamalıdır.
Zaira Akifqızı
Globalinfo.az
