“ABŞ-ın İranla qarşıdurması yaxın vaxtlarda yeni mərhələyə keçəcək”.
Globalinfo.az xəbər verir ki, bunu ABŞ-ın vitse-prezidenti Ceyms Di Vens deyib.
“Biz gələcəyi proqnozlaşdıra bilmərik. Amma düşünürəm ki, Prezident bir neçə aydan sonra bütün bunların tamamilə fərqli mərhələyə keçəcəyini söyləməkdə haqlıdır”, – o bildirib.
Vensin sözlərinə görə, birinci mərhələ – İranın nüvə proqramının və hərbi qüvvələrinin məhv edilməsi – artıq başa çatıb.
İkinci mərhələ isə İranın əvvəlki imkanlarını yenidən bərpa etməsinə imkan verməmək olacaq.
Qeyd edək ki, ötən həftə ABŞ Prezidenti Donald Tramp ABŞ-İran qarşıdurmasının noyabrda keçiriləcək ABŞ Konqresinə aralıq seçkilərindən dərhal sonra başa çatacağını bildirmişdi. Bununla yanaşı, o, seçkilərdən əvvəl də razılaşmanın əldə olunmasının mümkünlüyünü istisna etməmişdi.
Əliyar Xəlil
Globalinfo.az
