Türkiyənin cənub-şərqində İraqla sərhədə yaxın ərazidə yeni neft yatağı aşkar edilib.
Globalinfo.az xəbər verir ki, bu barədə “Sabah” qəzeti məlumat yayıb.
Məlumat görə, onun potensialı ölkənin ən böyük yatağı olan “Qabar”ın ehtiyatlarından 5 dəfə çox ola bilər.
Şırnak və Hakkari əyalətləri arasında yerləşən Kato dağı ərazisində artıq ilkin kəşfiyyat işlərinə başlanılıb. Aşkar edilən neftin keyfiyyəti dünyanın ən bahalı və minimum çirklənməyə məruz qalmış ərəb nefti ilə müqayisə oluna bilər.
Qeyd edək ki, mayın əvvəlində Türkiyə Prezidenti Rəcəb Tayyib Ərdoğan Qabar dağ silsiləsi yaxınlığında neft yatağının kəşf edildiyini açıqlamışdı.
Onun ehtiyatlarının dəyəri təxminən 70 milyard dollar qiymətləndirilir.
