“ABŞ Prezidenti Donald Trampın Türkiyəyə səfəri çərçivəsində keçirilən protokol tədbirlərindən yayılan görüntülər kifayət qədər məlumatvericidir”.
Globalinfo.az xəbər verir ki, bunu sabiq xarici işlər naziri, politoloq Tofiq Zülfüqarov deyib.
O bildirib ki, mətndən çox görüntülər danışır, sanki səssiz film kimidir, amma hər şey aydın görünür:
“Qeyd etmək istərdim ki, dövlət protokolu və rəsmi mərasim qaydaları xarici siyasətin həmişə ən vacib elementlərindən biri olub.
Qısa şəkildə əsas məqamlar:
– Trampın daha əvvəl verdiyi mesaj təsdiqlənir: Türkiyə və Pakistan Yaxın Şərqdə təhlükəsizlik məsələləri üzrə ABŞ-ın ən mühüm tərəfdaşlarına çevrilir.
– NATO-da say baxımından ikinci ən böyük orduya malik olan Türkiyə, hətta nüvə silahına sahib Fransa və Böyük Britaniya ilə müqayisədə belə, Avropa təhlükəsizlik sistemində əsas oyunçulardan biri olacaq.
– Baş nazir Benyamin Netanyahu dövründə İsrailin ABŞ-ın bölgədə yeganə əsas hərbi-siyasi dayağı olmaq ambisiyası coğrafi, demoqrafik və ən əsası dini-konfessional reallıqlar səbəbindən tam həyata keçə bilməyəcək.
– İsrailin “İbrahim sazişləri” vasitəsilə siyasi təsirini genişləndirmək konsepsiyası əsasən yalnız yəhudi dövlətinin təhlükəsizliyini təmin etməyə xidmət edən çərçivə ilə məhdudlaşacaq.
– Türk Dövlətləri Təşkilatının lideri olan Türkiyə, artıq ABŞ-ın da dəstəyi ilə, ortaq müdafiə sisteminin formalaşdırılmasını daha sürətlə davam etdirəcək”.
Politoloq qeyd edib ki, səfərin yekun nəticələrinə əsasən bu tezislərə əlavə və ya düzəliş etmək mümkün olacaq.
Günel Cəlil
Globalinfo.az
Həmçinin oxuyun
