Ağ Evin divarında Trampın yeni rəsmi asılıb. Digər rəsmlərdən fərqlənən tablo hər kəsin marağına səbəb olub.
Globalinfo.az xəbər verir ki, görüntüləri “Newsweek” paylaşıb.
Mənbənin məlumatına görə, divarda asılan foto fevralın 13-də ABŞ Prezidenti Donald Trampın Hindistanın Baş naziri Narendra Modi ilə görüşü zamanı qeydə alınıb.
Hər kəsin marağına səbəb olan fotoda Donald Tramp əks olunub və həmin foto onun 2023-cü ilin avqustunda polis tərəfindən saxlanılması zamanı çəkilib.
Xatırladaq ki, qeyd olunan vaxtda Donald Tramp 2020-ci ilin seçkiləri ilə bağlı həbs edilmişdi. Həmin foto da prezidentin saxlanılması zamanı çəkilmişdi.
Qeyd edək ki, Donald Tramp bu tərz fotosu (“maqşot” – Birləşmiş Ştatlarda həbsdən dərhal sonra çəkilən profil və anfas fotosu) olan ilk ABŞ prezidentidir.
Aysel Əliyeva
Globalinfo.az
