Futbol üzrə Azərbaycan Kubokunun ikinci finalçısı müəyyənləşib.
Globalinfo.az xəbər verir ki, yarımfinal mərhələsinin cavab oyununda “Sabah” evdə “Neftçi” ilə 1:1 hesablı heç-heçə edib (ilk oyun 2:1).
“Bank Respublika Arena”da keçirilən matçda hesabı 23-cü dəqiqədə Masazır təmsilçisindən Cesse Sekidika açıb. Çimərlik futbolu üzrə FIFA referisi İnqilab Məmmədovun idarə etdiyi görüşdə “flaqman”ın qolunu 40-cı dəqiqədə Emin Mahmudov vurub.
Bununla da, “bayquşlar” tarixdə ilk dəfə Azərbaycan Kubokunun finalına vəsiqə qazanıb.
Qeyd edək ki, “Sabah” finalda “Qarabağ”la üz-üzə gələcək. Həlledici oyun mayın 31-də Mehdi Hüseynzadə adına Sumqayıt şəhər stadionunda baş tutacaq.
***
Azərbaycan kubokunda yarımfinal görüşlərinin cavab oyunlarına start verilib.
Globalinfo.az xəbər verir ki, hər iki görüş bu gün baş tutub.
İlk oyunda “Qarabağ” “Araz-Naxçıvan”ı qəbul edib. Ağdamlılar 0:1 hesablı məğlubiyyətin əvəzini çıxa biliblər.
Meydan sahibləri böyükhesablı qələbəyə sevinib – 3.0.
Qeyd edək ki, günün digər qarşılaşmasında “Neftçi” “Sabah”ın qonağı olacaq.
