Rusiya prezidenti Vladimir Putin və Türkiyə lideri Rəcəb Tayyib Ərdoğan Şanxay Əməkdaşlıq Təşkilatının (ŞƏT) sammiti çərçivəsində görüşərək müzakirələr aparacaq.
Globalinfo.az xəbər verir ki, bunu Rusiya prezidentinin köməkçisi Yuri Uşakov deyib.
O bildirib ki, tərəflər Putinin Türkiyə səfərinin detallarını müzakirə edəcəklər.
“Biz çoxdandır ki, Türkiyəyə səfər etməyi planlaşdırırıq. Düşünürəm ki, Putin və Ərdoğan bu məsələni müzakirə edəcəklər”, – Kreml nümayəndəsi bildirib.
Uşakov Moskvanın Ankara ilə daimi əlaqə saxladığını da vurğulayıb. O əlavə edib ki, Rusiya liderinin Türkiyəyə nəzərdə tutulan gələcək səfəri zamanı ən həssas məsələlər belə müzakirə oluna bilər.
Qeyd edək ki, Putin iyulun 3-dən 4-dək Astanada keçiriləcək ŞƏT sammitində Türkiyə prezidenti və Çin lideri ilə görüşəcək.
Müşviq Tofiqoğlu
Globalinfo.az