Ermənistanın Miqrasiya və Vətəndaşlıq Xidməti R.Köçəryanın evində başqa birinin qeydiyyatda olması iddialarına aydınlıq gətirib:
“İkinci prezident Robert Köçəryanın yaşayış ünvanı — İsakov küçəsi 23/7-də əlavə bir şəxsin qeydiyyatda olması ilə bağlı yayılan məlumatlara cavab olaraq bildiririk ki, Ermənistan Respublikası əhalisinin dövlət reyestrində “İsakov 23/7-yə bitişik torpaq sahəsi”, “İsakov 23/7-yə yaxın tikili”, eləcə də “23/7 torpaq sahəsi: bitişik daxma” ünvanları mövcuddur.
Mediada yayılan foto ilə bağlı aydınlaşdırırıq ki, sözügedən şəxs İsakov 23/7 ünvanına bitişik ərazidə yerləşən tikililərdən birində qeydiyyatdadır. Ünvanın detalları seçici siyahısında əks olunmayıb. Qeydiyyatın əsasları lazımi qaydada araşdırılıb, qeydiyyat qanunidir və heç bir pozuntu aşkarlanmayıb”.
***14:29
Ermənistanın sabiq prezidenti Robert Köçəryanın yaşayış ünvanında əlavə bir nəfər qeydiyyata alınıb.
Globalinfo.az xəbər verir ki, bu barədə sabiq prezidentin ofis rəhbəri Bağrat Mikoyan məlumat verib.
Onun sözlərinə görə, səhər saatlarından etibarən bir sıra vətəndaşlar öz ünvanlarında tanımadıqları şəxslərin qeydiyyata alındığını bildiriblər.
Mikoyan qeyd edib ki, Köçəryanın ailəsində “Knarik Petrosyan” adlı heç bir şəxs yoxdur və həmin ünvanda belə bir şəxsin qeydiyyatda olması mümkün deyil.
Onun fikrincə, yaşayış ünvanlarına icazəsiz qeydiyyat halları geniş yayılıb və bu, hakimiyyətin növbəti qanunsuz praktikasıdır.
“Artıq o qədər irəli gediblər ki, hətta prezidentin ev ünvanına belə əlavə şəxs qeydiyyata alıblar”, – deyə o bildirib.
Safura Bənnayeva
Globalinfo.az
Həmçinin oxuyun
