Son 5 ildə İrəvandan Bakıya və əks istiqamətdə 66 reys həyata keçirilib.
Globalinfo.az xəbər verir ki, bu barədə “Sputnik Ermənistan”a Ərazi İdarəetmə və İnfrastruktur Nazirliyindən bildirilib.
Məlumata görə, bu il dekabrın 11-də beynəlxalq şirkətlərdən birinin sifarişi ilə İrəvandan Bakıya çarter reysi həyata keçirilib. Bu uçuşun ilk olmadığı açıqlanıb.
“2020-ci ildən başlayaraq beynəlxalq nümayəndə heyətlərinin daşınması məqsədi ilə İrəvan və Bakı arasında 66 dövlət reysi həyata keçirilib”, – nazirliyin məlumatında qeyd edilir.
Həmçinin İrəvan-Bakı-İrəvan marşrutu üzrə təyyarələrin iki trayektoriya üzrə uçduğu bildirilib.
Ayşən Mustafa
Globalinfo.az
