“Moldovalıların mütləq əksəriyyəti Rumıniya ilə birləşməyə qarşıdır”.
Globalinfo.az xəbər verir ki, bunu “iData”nın həyata keçirdiyi sorğunun nəticələri sübut edir.
Respondentlərin 61,5%-i Rumıniya ilə birləşmənin əleyhinə, 31%-i isə lehinədir.
Bununla yanaşı, respondentlərin yarıdan çoxu (57,1%) Moldovanın Aİ-yə qoşulmasının lehinə, 36,2 faizi isə əleyhinə olduğunu bildirib.
Həmçinin 60%-ə yaxını ölkənin NATO-ya daxil olmasının əleyhinə, 30,8%-i isə lehinə olub.
“iData” sorğusu 2025-ci il avqustun 7-dən 16-dək kompüter dəstəkli şəxsi müsahibə metodundan istifadə edilməklə 1071 respondent arasında aparılıb. Maksimum səhv 2,9% təşkil edir və tədqiqata 89 yaşayış məntəqəsinin sakinləri daxil edilib.
Əliyar Xəlil
Globalinfo.az
