Ölkəyə yağan qar yollarda avtomobillərin və piyadaların hərəkətini çətinləşdirib. Yaranan müxtəlif çətinliklər müvafiq qurumları hərəkətə gətirib.
Globalinfo.az xəbər verir ki, Daxili İşlər Nazirliyinin əməkdaşları gücləndirilmiş iş rejiminə keçərək yollarda hərəkətin təmin edilməsi istiqamətində müvafiq işlər görürlər.
Nazirliyin mətbuat xidmətinin rəisi Elşad Hacıyevin verdiyi məlumata görə, polis əməkdaşları paytaxt Bakı ilə yanaşı regionlarda da təhlükəsizliyi təmin etmək məqsədilə çevik iş aparırlar. Belə ki, Şirvan Şəhər Polis Şöbəsinin əməkdaşları şəhər ərazisində baş verə biləcək yol-nəqliyyat hadisələrinin qarşısının alınması istiqamətində gücləndirilmiş iş rejimində xidmətdədirlər.
Nazirlik rəsmisinin sözlərinə görə, Quba Rayon Polis Şöbəsinin əməkdaşları da gücləndirilmiş iş rejimində çalışırlar. Qarlı, şaxtalı havada hərəkət iştirakçılarının təhlükəsizliyini təmin etmək məqsədilə polis əməkdaşları səfərbər edilib. Tədbirlər davam etdirilir.