İran Prezident Administrasiyasının rəhbərinin protokol və rəsmi tədbirlər üzrə müavini, keçmiş səfir Seyid Abbas Musəvi ölkədəki hərbi-siyasi vəziyyəti şərh edib.
Globalinfo.az xəbər verir ki, Musəvi gərginliyin daha da artmasının mümkün olduğunu bildirərək, İranın bütün sahələrdə, xüsusilə iqtisadiyyat və hərbi sektorda müdafiə hazırlığını ən yüksək səviyyədə saxlamasının vacibliyini vurğulayıb.
Bununla yanaşı, o qeyd edib ki, təhlükənin və yeni müharibə riskinin qarşısını almaq üçün bütün diplomatik imkanlardan və danışıqlar kanallarından istifadə edilməlidir.
ABŞ-ın Qətər vasitəsilə İrana mesaj göndərməsinə toxunan Musəvi bildirib ki, Tehran öz şərtlərində, o cümlədən Hörmüz boğazı ilə bağlı irəli sürdüyü tələblərdə israrlıdır. İranın Hörmüzlə bağlı mövqeyinin hazırda danışıqların əsas məsələlərindən biri olduğu da bildirilir.
Globalinfo.az
