Qazaxıstan Prezidenti Qasım-Jomart Tokayev Xəzər dənizində keçirilən hərbi təlimlər zamanı təhlükəsizlik qaydalarının pozulması ilə bağlı açıqlama verib.
Globalinfo.az-ın məlumatına görə, Tokayev Müdafiə Nazirliyinin rəhbərliyi ilə görüşündə bildirib ki, təlimlərə cəlb olunan hərbi qulluqçular lazımi təhlükəsizlik avadanlıqları ilə tam təmin edilməyib.
Dövlət başçısı xüsusilə xilasetmə jiletlərinin hərbçilərə verilmədiyini vurğulayıb.
Xatırladaq ki, sentyabrın 24-də Xəzər dənizində keçirilən təlimlər zamanı hava şəraitinin qəfil pisləşməsi nəticəsində bir qrup hərbi qulluqçu dənizə düşüb. Hadisə 14 hərbçinin ölümü ilə nəticələnib.
Hadisədən sonra Qazaxıstan Prezidenti Dauren Kosanovu müdafiə naziri vəzifəsindən azad edib.
Tahir Turan
Globalinfo.az
Həmçinin oxuyun
