Azərbaycanın xarici işlər naziri Ceyhun Bayramov ilə İsveçrə Konfederasiyasının Federal Şurasının üzvü, Xarici İşlər Departamentinin rəhbəri və ATƏT-in fəaliyyətdə olan sədri İqnatsio Kassis arasında geniş tərkibdə görüş keçirilib.
Globakinfo.az xəbər verir ki, bu barədə Azərbaycan Xarici İşlər Nazirliyi “X” sosial şəbəkəsində məlumat yayıb.
Nazirlər Azərbaycan-İsveçrə ikitərəfli gündəmini, İsveçrənin ATƏT-ə sədrliyinin prioritetlərini, Azərbaycan-ATƏT əməkdaşlığının hazırkı vəziyyətini və gələcək perspektivlərini, həmçinin regiondakı münaqişədən sonrakı vəziyyəti və Azərbaycan-Ermənistan münasibətlərinin normallaşdırılması prosesini müzakirə ediblər.
***
Azərbaycanın xarici işlər naziri Ceyhun Bayramov ilə İsveçrə Konfederasiyasının Federal Şurasının üzvü, Xarici İşlər Departamentinin rəhbəri və ATƏT-in fəaliyyətdə olan sədri İqnatsio Kassis arasında təkbətək görüş başlayıb.
Globalinfo.az xəbər verir ki, bu barədə Azərbaycan Xarici İşlər Nazirliyi “X” sosial şəbəkəsində məlumat yayıb.
Görüş zamanı ikitərəfli münasibətlər, regional və beynəlxalq gündəlik, eləcə də ATƏT çərçivəsində əməkdaşlıq məsələlərinin müzakirə olunacağı gözlənilir.
***
Azərbaycanın xarici işlər naziri Ceyhun Bayramov İsveçrə Konfederasiyasının Federal Şurasının üzvü, Xarici İşlər Departamentinin rəhbəri və ATƏT-in fəaliyyətdə olan sədri İqnatsio Kassislə görüşüb.
Globalinfo.az xəbər verir ki, bu barədə Azərbaycan Xarici İşlər Nazirliyi məlumat yayıb.
Bildirilib ki, səfər çərçivəsində tərəflər Azərbaycan-İsveçrə ikitərəfli münasibətlərinin gündəliyini, regional və beynəlxalq prosesləri, həmçinin ATƏT çərçivəsində əməkdaşlıq məsələlərini müzakirə edəcəklər.
Həmçinin oxuyun
