“Fransada isti hava şəraitində ölüm hallarının sayında kəskin artım qeydə alınıb”.
Globalinfo.az xəbər verir ki, bu barədə Fransa Milli Səhiyyə Agentliyinin (SPF) hesabatında bildirilib.
Hesabata əsasən, 22-28 iyun 2026-cı il tarixlərində ölkədə bütün yaş qrupları və bütün səbəblər üzrə ümumilikdə 8 973 ölüm halı qeydə alınıb.
Bu, 15-21 iyun tarixlərində qeydə alınan 6 948 ölüm halı ilə müqayisədə 29,1 faiz və ya 2 025 nəfər çoxdur.
Qeyd olunub ki, ölüm hallarındakı artım əsasən 45 yaşdan yuxarı şəxslər arasında müşahidə edilib. Ümumi artımın 2001-i bu yaş qrupunun payına düşür.
Hesabatda bildirilir ki, ən çox əlavə ölüm halı İl-de-Frans regionunda qeydə alınıb. Burada sözügedən dövrdə 619 əlavə ölüm faktı qeydə alınıb.
SPF artımı 17-28 iyun tarixlərində Fransada müşahidə olunan qeyri-adi isti hava şəraiti ilə əlaqələndirib.
Həmçinin oxuyun
