“2026-cı ilin ilk rübündə pərakəndə ticarət şəbəkəsində istehlakçılara 15 milyard 927 milyon manatlıq mal satılıb. Bu, əvvəlki ilin uyğun dövrü ilə müqayisədə 3.7 faiz artım deməkdir”.
Globalinfo.az xəbər verir ki, bunu deputat Vüqar Bayramov deyib.
O qeyd edib ki, həmin müddətdə istehlakçılara 8 milyard 774 milyon manatlıq ərzaq məhsulları, içkilər və tütün məmulatları, 7 milyard 152 milyon manatlıq isə qeyri-ərzaq malları satılıb:
“Bu ilin ilk rübündə istehlakda ərzaq məhsulları, içkilər və tütün məmulatları üzrə 1,3 faiz, qeyri-ərzaq malları üzrə isə 6,6 faiz artım qeydə alınıb. Yəni istehlakçılar pullarının 55 faizini ərzaq məhsullarının alınmasına xərcləyir”.
Millət vəkili qeyd edib ki, iki istiqamətdə xərcləmələrdə kəskin artımlar müşahidə edilib:
“İstehlak kompüterlər, telekommunikasiya avadanlıqları və çap məhsullarında 32.6, əczaçılıq məhsulları və tibbi ləvazimatlar üzrə isə 25.4 faiz artıb. Dərman peraparatlarının istehlakında artımlar tələb ilə yanaşı qiymətin də yüksəlməsi ilə əlaqədardır”.
Günel Cəlil
Globalinfo.az
