ABŞ və İsrailin İrana qarşı həyata keçirdiyi zərbələr nəticəsində 48 iranlı liderin öldürüldüyü iddia olunur.
Globalinfo.az-ın məlumatına görə, bu barədə ABŞ Prezidenti Donald Trump “Fox News” telekanalına müsahibəsində danışıb.
Tramp bildirib ki, əməliyyatların nəticələri gözləniləndən daha sürətli olub:
“Heç kim əldə etdiyimiz uğurlara inana bilmir. Bir anda 48 lider zərərsizləşdirildi. Hadisələr çox sürətlə inkişaf edir”.
ABŞ Prezidenti həmçinin qeyd edib ki, İranda həyata keçirilən əməliyyat əvvəlcədən planlaşdırılan qrafiki də qabaqlayıb. Bununla belə, iddialarla bağlı müstəqil təsdiq hələlik təqdim olunmayıb.
Tahir Turan
Globalinfo.az
