ABŞ yaxın 100 gün ərzində Ukrayna münaqişəsi ilə bağlı tərəflərlə birbaşa danışıqlar təşkil etməyi planlaşdırır.
Globalinfo.az xəbər verir ki, bu barədə ABŞ vitse-prezidenti Cey Di Vens “Fox News” telekanalına müsahibəsində deyib.
“Bizim sülh təklifimiz var və biz tərəfləri yaxın masaya əyləşdirmək üçün növbəti 100 gün ərzində çox işlər görməyi planlaşdırırıq”, – o bildirib.
O qeyd edib ki, ukraynalılarla rusiyalıların istəkləri arasında böyük bir uçurum var və ABŞ Moskva ilə Kiyevin mövqelərini bir-birinə yaxınlaşdırmaq üçün işlər görəcək.
Xatırladaq ki, daha əvvəl Rusiya XİN başçısı Sergey Lavrov Ukrayna ilə ilkin şərtsiz birbaşa danışıqlara hazır olduqlarını açıqlamışdı.
Aysel Əliyeva
Globalinfo.az
Həmçinin oxuyun
