“Azərbaycan Hava Yolları” (AZAL) aviaşirkətinin Aktauda qəzaya uğrayan təyyarəsindəki sərnişinlərin 37-si Azərbaycan vətəndaşı olub.
Globalinfo.az bildirir ki, bu barədə Qazaxıstan Nəqliyyat Nazirliyi məlumat yayıb.
Sərnişinlərdən 6-nın Qazaxıstan, 3-nün Qırğızıstan, 16-nın Rusiya vətəndaşı olduğu bildirilir.
Qeyd edək ki, hazırda təyyarədən çıxarılan yaralıların xəstəxanaya çatdırıldığı açıqlanıb.
***11:49
AZAL-ın Aktau limanı yaxınlığında qəzaya uğrayan təyyarəsinin göyərtəsində Qazaxıstan, Azərbaycan, Rusiya, Tacikistan və Qırğızıstan vətəndaşları olub.
Globalinfo.az Axar.az-a istinadən xəbər verir ki, bu barədə Baza Teleqram kanalı məlumat yayıb.
Məlumata görə, qəzaya uğrayan təyyarədə 15-ə yaxın rusiyalı olub.
Qeyd edək ki, Azərbaycan Hava Yolları aviaşirkətinin J2-8243 nömrəli Bakı-Qroznı reysini yerinə yetirən “Embraer 190” təyyarəsi Aktau şəhərinin 3 km yaxınlığında qəzaya uğrayıb.
Qroznıda duman olduğu üçün təyyarə əvvəlcə Mahaçqala, daha sonra isə Aktau hava limanına göndərilib. Xəzər dənizi üzərində isə təyyarəmiz quş sürüsü ilə toqquşub və SOS siqnalı verib.
Təyyarədə 67 nəfər – 62 sərnişin və 5 ekipaj üzvü olub. Qazaxıstan FHN artıq 12 nəfərin sağ çıxarılaraq, xəstəxanalara yerləşdirildiyini bildirib.
