Bu gün Binəqədi rayonu ərazisində yol-nəqliyyat hadisəsi baş verib.
Globalinfo.az DİN-in Nəqliyyatı İntellektual İdarəetmə Mərkəzinə (NİİM) istinadən xəbər verir ki, hadisə günorta saatlarında Əhməd Rəcəbli və Cəfər Xəndan küçələrinin kəsişməsində baş verib.
Qəza zamanı “Chevrolet” markalı avtomobil NİİM-ə məxsus 1 ədəd yeni quraşdırılmış işıqforu yararsız vəziyyətə salıb.
Mərkəzdən bildirilib ki, işıqforun bərpa edilməsi nəzərdə tutulub.
