“Din xadimləri də Ermənistan vətəndaşlarıdır və qanun qarşısında digər vətəndaşlarla eyni öhdəliklərə malik olmalıdırlar”.
Globalinfo.az xəbər verir ki, bunu Ermənistanın Baş naziri Nikol Paşinyan deyib.
Paşinyan bildirib ki, əgər ölkədə bütün vətəndaşlar gəlir vergisi ödəyirsə, bu qayda ruhani şəxslərə də şamil edilməlidir:
“Vergi sistemi tam şəffaf olmalıdır və bu sahədə istisnalar ədalətli deyil. Kilsənin ödədiyi vergilərin yenidən kilsəyə qaytarılması ilə bağlı mexanizmlər artıq illərdir müzakirə olunur”.
Baş nazir həmçinin qeyd edib ki, dini məqsəd daşımayan bəzi idxal mallarının vergidən azad olunması suallar doğurur və vətəndaşlar kilsə daxilində aparılan maliyyə dövriyyəsi barədə məlumatlandırılmalıdır.
Safura Bənnayeva
Globalinfo.az
Həmçinin oxuyun
