Erməni ekspert Areq Koçinyan gələcəkdə Ermənistanın Azərbaycandakı səfiri olmaq ehtimalından danışıb.
Globalinfo.az-ın məlumatına görə, jurnalist Koçinyanın belə bir məsuliyyəti üzərinə götürməyə hazır olub-olmadığını soruşub.
Koçinyan cavabında diplomatik karyera ilə bağlı mövqeyinin dəyişmədiyini vurğulayıb. O bildirib ki, akademiyanı bitirdikdən sonra artıq bir dəfə diplomatik fəaliyyətdən imtina edib və bu qərarını yenidən nəzərdən keçirməyi düşünmür.
“Mən diplomat olmaq istəmirəm”, – Koçinyan qeyd edib.
Qeyd edək ki, erməni mediasında Koçinyanın Bakıya səfərindən sonra onun gələcəkdə Ermənistanın Azərbaycandakı səfiri ola biləcəyi haqda fikirlər yazılıb.
Safura Bənnayeva
Globalinfo.az
