“Ukrayna Prezidenti Volodimir Zelenskinin Almaniya kansleri Olaf Şoltsun ünvanına etdiyi kəskin tənqidlər bəzən əsassız olur”.
Globalinfo.az xəbər verir ki, bunu NATO baş katibi Mark Rütte deyib.
“Zelenski ilə tez-tez danışıram. O, gərək Şoltsu tənqiddən imtina etsin, ona görə ki bunu ədalətsiz sayıram. Şoltsun Ukrayna üçün etdikləri bizi heyran qoyur”, – o bildirib.
Rüttenin sözlərinə görə, Şoltsun sayəsində Almaniya hazırda ABŞ-dan sonra Ukraynaya hərbi dəstək məsələsində ikinci yerdədir.
Qeyd edək ki, Zelenski bundan öncə Şoltsu Rusiya Prezidenti Vladimir Putinlə danışdığına görə tənqid edib.
Əliyar Xəlil
Globalinfo.az
