Azərbaycan və Ermənistanın yüksək diplomatik rəhbərliyinin üzvləri Vaşinqtonda danışıqların ikinci raunduna başlayar-başlamaz Rusiya sülhməramlı kontingentinin Qarabağdakı müvəqqəti məsuliyyət zonasında hələ də qeyri-qanuni mövcudluğunu davam etdirən erməni hərbçilər Azərbaycan Ordusunun Ağdam rayonu istiqamətindəki mövqelərini atəşə tutdular. Nəticədə azərbaycanlı hərbi qulluqçu yaralandı. Azərbaycanın cavab tədbirləri ilə qarşı tərəfin beş hərbçisi zərərsizləşdirildi.
Globalinfo.az xəbər verir ki, bu barədə “Caliber”in “YouTube” kanalı videosüjet hazırlayıb.
“Bir daha təkrar edək ki, mövqelərimiz Ermənistanla şərti sərhəddən deyil, Rusiya sülhməramlı kontingentinin müvəqqəti məsuliyyət zonasından atəşə tutulur. Bunu Rəsmi İrəvanın eskalasiyaya hər hansı aidiyyətinin olmadığına dair sübut kimi qiymətləndirmək olarmı? Çətin ki. Böyük ehtimal ki, Paşinyanın komandası manevr nümayiş etdirir və bununla da bu işdə əlinin olmadığını, həmçinin Qarabağ ermənilərinə görə cavabdehlik daşımadığını göstərmək məqsədi güdür.
Artıqlaması ilə cavabdehdirlər! Separatçı rejimin İrəvan tərəfindən maliyyələşdirilməsi onu Azərbaycana qarşı cinayət hərəkətlərinin ortağı və hətta təşəbbüskarına çevirir”, – süjetdə qeyd olunur.
Daha ətraflı videosüjetdə:
