“Karvan” musiqi qrupunun təsisçisi, Azərbaycanın ilk qadın klip rejissoru və prodüseri Sevinc Kərimova dəfn olunub.
Globalinfo.az xəbər verir ki, mərhum Qala kənd qəbiristanlığında torpağa tapşırılıb.
***12:02
Dünən axşam saatlarında dünyasını dəyişən, “Karvan” musiqi qrupunun təsisçisi, Azərbaycanın ilk qadın klip rejissoru və prodüseri Sevinc Kərimova ilə vida mərasimi başa çatıb.
Globalinfo.az bildirir ki, vida mərasimi paytaxtın Xəzər rayonunun Şüvəlan qəsəbəsində, mərhumun evində baş tutub.
Mərhum dəfn olunması üçün Qala kənd qəbirstanlığına aparılır.
***11:07
Dünən axşam saatlarında dünyasını dəyişən, “Karvan” musiqi qrupunun təsisçisi, Azərbaycanın ilk qadın klip rejissoru və prodüseri Sevinc Kərimova ilə vida mərasimi keçirilir.
Globalinfo.az bildirir ki, Oxu.Az-ın məlumatına görə, vida mərasimi paytaxtın Xəzər rayonunun Şüvəlan qəsəbəsində mərhumun evində başlayıb.
Vida mərasimində Mədəniyyət nazirinin müşaviri Cahangir Səlimxanov, mərhumun ailə üzvləri, yaxınları iştirak edirlər.
Qeyd edək ki, Sevinc Kərimova uzun müddət ailəsi ilə birlikdə ABŞ-də yaşayıb və bu yaxınlarda Bakıya qayıdıb. O, dünən axşam saatlarında dünyasını dəyişib.
