Şagirdlər iki ay məktəbə gəlmədi: yoxlamalar başladı – FOTO

Samux rayon E.İsgəndərov adına Əhmədbəyli kənd tam orta məktəbində kompleks yoxlamalara başlanılıb.

Globalinfo.az bildirir ki, bu barədə Teleqraf.com-un sorğusuna cavab olaraq Gəncə-Daşkəsən Regional Təhsil İdarəsindən məlumat verilib.

Əlaqəli xəbər

Magistratura səviyyəsi üzrə boş qalan plan yerlərinə əlavə yerləşdirməyə start verilir

“Samux rayon E.İsgəndərov adına Əhmədbəyli kənd tam orta məktəbdə şagird davamiyyətinin az olması ilə bağlı sosial şəbəkədə dərc olunan məlumata əsasən bildiririk ki, Gəncə-Daşkəsən Regional Təhsil İdarəsinin müvafiq əmrinə əsasən Samux rayon E.İsgəndərov adına Əhmədbəyli kənd tam orta məktəbində kompleks yoxlamalara başlanılıb. Yoxlamaların nəticələri ilə bağlı ictimaiyyətə məlumat veriləcəkdir”,- məlumatda qeyd olunub.

Qeyd edək ki, sosial şəbəkədə Samux rayonu E. İsgəndərov adına Əhmədbəyli kənd tam orta məktəbdə davamiyyətin aşağı olduğu ilə bağlı məlumat yayılıb.