Qazaxıstanda kafedə baş verən partlayış nəticəsində uçan binadan daha bir nəfərin meyiti tapılıb.
***
Qazaxıstanın Uralsk şəhərində kafelərdən birində güclü qaz partlayışı baş verib.
Globalinfo.az xarici KİV-ə istinadən xəbər verir ki, partlayış nəticəsində 2 nəfər ölüb, 6 nəfər yaralanıb.
Partlayış zamanı kafenin binası uçub
Bildirilib ki, dağıntılar altından 6 nəfər xilas edilib, onlardan 5-i hospitala yerləşdirilib.
Qərbi Qazaxıstan vilayətinin Fövqəladə Hallar Departamentinin məlumatına görə, dağılmış tikililərin altında daha çox insan ola bilər. Hadisə yerində ümumilikdə 110-dan çox insan və 30 texnika işləyir.
