Bakı-Qazax avtomobil yolunun 39-cu kilometrliyində, Qaradağ rayon ərazisində dəhşətli qəza baş verib.
Globalinfo.az-ın hadisə yerində olan əmakdaşının verdiyi məlumata görə, iki avtomobil toqquşub.
“Changan” markalı minik avtomobili ilə “Hyundai” markalı yük maşının toqquşması nəticəsində birincisi aşıb.
Qəza nəticəsində minik avtomobilində olan 2 nəfər xəsarət alıb, avtomobillərə ciddi ziyan dəyib.
Hadisə yerinə təcili tibbi yardım heyəti və polis əməkdaşları cəlb edilib.
Qəza nəticəsində hər iki istiqamətdə böyük tıxac yaranıb.
Zaira Akifqızı
Globalinfo.az
